Maialen Errotabehere baxenafartar bakarlaria, bere diskoarentzat testu guziak musikatu ditu, bakoitzak inspiratzen dionaren arabera. Azaltzen duen bezala: “Ezin dut, beraz, estilo orokor bat zehaztu diskoari dagokionez; kantu bakoitzak dauka berea, folk, blues, pop edo rock…”. Kontzertuetan ere ingeles kantuak kantatzen ditu, adibidez « Danny Boy » irlandesa edo « Amazing grace » gospela. Musikalki, artista gaitasun anitzekoa dela erran daiteke. Gazte-gaztetik, ahots ederra duela erraten diete. Ahots sakona eta berezia, arreta biltzen duena. Euskal herriko artista askoekin aritu da, Niko Etxart, Anje Duhalde, Ruper Ordorika, Eñaut Elorrieta, Benito Lertxundi…