Donibane Ziburuko gaztetxean sortu zen Ztah taldea 2010ean. Oier (Hats, Stakipop), Jon (Hats, Stakipop) eta Pilo (Glokom) musikariek abiatu zuten proiektua. Ondoren, Iñakik (Dementzia, e-Volv, PIBAllStar) bat egin zuen laukotea osatuz. 2011n lehen lan laburra plazaratu zuten, agerian utziz groove metal eta thrashcore doinuak uztartzen zituztela. 2016an Iñorabidea estreinako diskoa argitaratu zuten, eta hainbat kontzertu eman Euskal Herriko hainbat txokotan. Laukote izatetik boskote izatera pasa ziren, bi gitarra jotzailerekin, eta horrela kaleratu dute Aska Nazazu bigarren diskoa. Aurten hamar urteko ibilbidea bete dute.